Qarnigii labaatanaad oo kal hore dhamaaday ayaa waxaa bilaawday
Qarni Cusub oo lagu magaacaabo Qarnigii 21 labaatanaad ama new
millennium.
Qarnigaas tagay waxaan sii sagootinay Culumo badan oo baxdoow ka
dhex noqday Dunidda muslimka .
kuwaas oo runtii aad noo soo anfacay haba kala duwanaadeen
Takhasuskooda Diinta iyo waliba meelaha ay xoogga saareyn iyo waliba
Qaaradaha ay deganaayeen.
Culumadaas waxay u qeybsamaan labo u dhalatay Wadanka
masaaridda,labo u dhalatay wadanka Sacuuudiga ,labo u dhalatay
wadanka loo yaqaan shubhu Qaaratul Hindiya oo koobaysa Hindiya iyo
Pakistaan iyo labo ayaguna u dhashay bariga Qarradda yurub.
Culumadaas haddii aan magacyadooda soo taxo waxay kala ahaayeen:
1)Shiikh Xasan Alban,naa oo masri ah.wuxuu dhashay 1906 ama 1324 H.
2)Shiikh Sayid Qudub oo asaguna masri ah,wuxuu dhashay 1906 M ama 1324 H
3)Shiikh C/aziiz Ibnu Baazi oo sacuudi ah.wuxuu dhashay 1912M ama 1330 H
4)Shiikh Maxamed Saalax ibnu Cuthaymiin oo sacuudi ah. 1929 M ama 1347 H
5) Shiikh Abuu Aclaa AL-mowduudi oo pakistaan ah. 1903 m ama 1321H
6)Shiikh Abuu Xasan AL_nadawi oo u dhashayDalka Hindiya.1913 M ama 1334 H
7)Shiikh Badiicul Zamaan AL-Nuurasi oo u dhashay dalka Turkiga.wuxuu
dhashay 1875 M ama 1293 H
8) Shiikh Maxamed Naasirul Diin ALbaanii oo u dhashay wadanka AL-baaniya.
wuxuu dhashay 1914 M ama 1333 H
Sideedaas Culumo oo kulligood Xijaabatay Allaah naxariistiisa Janno ha dabaalsiiyee ayaa ahaa kuwo Caalamka Islaamigu ay ka faa,ideysteen
Qarnigii tagay ooy ku soo moodeen, su'aasha noo taalna waxay tahay
ma jiraan Culumo noo Badashay mise waxay noqdeen kuwo Baxdoow ah
oon booskoodii la buuxinin???
Culumadaas kulligood waxay ahaayeen Rabaaniyiin oo Qarnigii
tagay ee labaatanaad Caalamka Islaamku ku soo mooday ayaga iyo kuwo kale oo fara badan.
Maa maxay Rabaaniyiin :
Culumada Salafku waxay ku sharxaan Caalimka Rabaaniga ah in uu isku
darsado in uu Cilmiga Islaamka barto,haddana ku Camal falo,haddana
uu Dadka u sii gudbiyo.Ruuxa Diinta barta se aan ku camal falin
Rabaani laguma Tilmaamo ee waa Cilmi aan anfac laheyn.
waana Cilmigii uu Nabigu Allaah ka magan galay Cilmi aan anfac laheyn.
Ruuxa cilmi barta ee haddana ku camal fala se aan dadka gaarsiin
asaguna laguma tilmaami karo Rabaani Sida Aayadda Quraanka ah ay
sheegayso:
( Allaah wuxuu Culumada farayaa in ay noqdaan Rabaaniyiin dadka
cilmiga bara , haddana ayguna barta )3:79.
Haddaba Caalimka Rabaaniga ahi waa kan seddexdaas shardiba ka soo
baxa oo asagu horta noqda mid Cilmiga barta,kuna Camal fala,haddana
dadka sii bara .
Wuxuu Allah Ruuxaas oo kale ku ammaanay Aayadaan:
( Yaa ka hadal wanaagsan Ruux Allaah dartiis dadka ugu yeera , Camal
wanaagsanna Sameeya ,haddana yiraahda waxaan ka mid ahay Ruux
Muslimiinta ka mid ah) 41:33.
Saxaabigii weynaa ee C/llaahi ibnu mascuud R.C ayaa markuu arko Arday Cilmi u soo doonta soo dhaweyn jiray asagoo ku oranaaya :
( Marxaban soo dhawaada,ilihii Xikmadooy,fayunuusihii Mugdigoow iwm.
Waxaa Caalimkii weynaa ee Sufyaan ibnu Cuyeynah la weydiiyey Sidee ku Heshay Xifdigan Xoogan?Wuxuu ku jawaabay markaan macaasidda ka
tagay.
Saxaabigii Abuu Dardaa R.C ayaa Taabiciyiintii kula dardaarmi jiray:
( Cilmiga Barta intuusan idiin baahan,dadka waxaa ugu cibaado badan
Nin Caalim ah, haddii loo baahdo cilmigiisa wax ku anfaco,haddii laga maarmana asagu isku anfaca naftiisa,Maxaayeelay ooy Culumadiinu u
tagayaan,kuwiina jaahiliinta ahna aysan wax u baraneyn).
Waxaan ku soo gabagabeynayaa horudhacaan Xadiiskii C/llaahi ibnu
Cumar uu yiri waxaan Nabiga Nnkh ka maqlay in uu yiri :
( Allaah cilmiga ma ka siibo addoomada siibitaan ee wuxuu cilmiga ku qaadaa dhimashada Culumada,ilaa uusan soo harin Ruux Caalim ah
waxay dadku sameystaan madax jaahiliin ah, markaas ayey wax
weydiiyaan, waxayna u fidyoodaan cilmi la,aan weyna lumaan weyna
lumiyaan) Saxiixul Bukhaari.
Allaah naxariistiisa uu noogu deeqay waxaa ka mid ah in uu Culumadaas
oo idil marka laga reebo Shiikh Xasan Alban,naa , uu Allaah siiyey Cimri
dheer ooy jiilal badan ugu faa,ideyaan.
Haddana Akhristoow aan isku dayo in aan taariikh kooban ka bixiyo mid
kastooo Culumadaas ka mid ah anigoo u kala hormarsiinaya sida ay u
kala horeeyaan.
waa inoo Toddobaadka danbe iyo Taariikhdii koobneyd ee culumadaas.
fii amaani laah
Sheikh sahid mohamed yusuf
sahid_yusuf@yahoo.com
VA,USA.
