Taliyaha ciidamada booliska dowladda KMG Soomaaliya Cabdi Xasan Cawaale (Qeybdiid) ayaa maanta shaaca ka qaaday in dowladda KMG Soomaaliya ay bilaabi doonto qorsheyaal wax looga qabanayo siguda amaanka Muqdisho.

Taliyaha ciidamada booliska Soomaaliyeed Cabdi Xasan Cawaale (Qeybdiid) oo maanta shir jaraa’id ku qabtay xarunta booliska ee magaalada Muqdisho ayaa waxa uu kaga hadlay xaaladda amaanka ee ka jirta gudaha wadanka Soomaaliya.

waxaana uu shaaca ka qaaday in ay bilaabeen ciidmada booliska Soomaaliyeed howlgalo amaanka lagu sugayo isla markaana ay sameynayaan dhawaantaan sida uu yiri Jeck point-yo lagu baaro dadka iyo gaadiidka si loo xaqiijiyo amaanka taas oo uu sheegay in ay horaanba ku so qabteen hub iyo dadkii watay taana uu ka codsaday shacabka Soomaaliyeed in ay gacan ka siiyaan ciidamada u howlgalaya sugida amaanka ee magaalada kuwaasi oo u qalabeysan sida uu yiri ka hortagida wax kasta oo abuuri kara qal qal iyo cabsi ku timaad amaanka.

Gen. Cabdi Xasan Cawaale ayaa sidoo kale digniin u jeediyay dadka wata baabuurta ay ku daboolan yihiin miraayadaha bensalka isagoona ugu baaqay in baabuurta ceynkaas ah aysan la soo mari karin meelaha ay dowladda ka taliso.

Teliyaha ciidmada booliska Soomaaliyeed oo shirkiis jaraa’id dhinacyo taabanayay waxaa uu kaga hadlay mar ay saxafiyiintu weydiiyeen arinta ku saabsan ciidmada dowladda KMG ah ee fariisinta ku leh Ex –Control Afgooye oo ay ka cabanayaan wadayaasha gaadiidka isticmaala wadaasi ayaa wax uu sheegay in muddo 48-saac guduhood ah ay is bedel ku sameynayaan wax ka qabashada cabshadaasi ka soo yeereysa bulshada isagoona nasiib daro ku tilmaamay in askarta dowladda KMG ah ay dhibaato u geystaan dhacabka Soomaaliyeed.